فرصة تطوع في مؤسسة شباب بتحب مصر Volunteer at YLE Youth Loves Egypt Foundation

ملخص الفرصة

تاريخ النشر

2 فبراير، 2024

مكان الفرصة

كل المناطق

المستوى الوظيفي

حديث تخرج طالب

المؤهل

درجة البكالوريوس

الخبرة

0 – 1 سنة

النوع

انثي ذكر

الوصف

الفرص كالكنوز تُنتزع نزع

وانهاردة YLE جيالك بفرصتك ال مستنيها من زمان

وبتعلن عن فتح باب التطوع لكل متابعيها المتلهفين من شهور في الراوند الأولى لسنة 2024

بندور على قادة مؤثرين يشاركونا رحلة من التغيير والعمل على مشاريع ملموسة ننمي بيها قدراتنا وأفكارنا ، ونوعي أكتر عن قضايا المناخ والبيئة وعكس قيمة حقيقية للحد من آثارهم - من اول حملات Clean up للشواطي والسواحل ، وتمكين الشباب ومؤسسات المجتمع المدني ، وتمثيلنا في المؤتمرات والأحداث المناخية العالمية و COPs ، إلى كتابة أوراق ومقترحات سياسية ومناخية نقدمها كحلول جذرية لكل مشاكلنا

ولو بتسأل عن متطلبات القبول في YLE ، فهي:

سبق وتطوعت سواءً في أنشطة طلابية أو مؤسسات تطوعية

عندك Experience لمدة عام واحد على الأقل في اللجنة المتقدم ليها

وتكون "Committed" يعني ملتزم

بس كداااا

باب التطوع مفتوح في جميع لجان المؤسسة من :

[Social Media] [Social Media Moderator]

[Technical Manager] [Project Manager]

[Documentation] [Scientific Research] [Partnerships] [Fundraising] [Data Analyst]

لجنة وسائل التواصل الاجتماعي Social Media

لو بتهتم بقضايا المناخ، وبتؤمن بقوة وسائل التواصل الاجتماعي كأداة للتغيير الإيجابي، فأنت في المكان الصح!

أنت في لجنة ال"Social Media"

يعني لجنة الابداع والابتكار

واللجنة المسئولة عن إبراز دور المؤسسة،وأهم الفعاليات والأحداث اللي بتتم في مجال المناخ،ونشر محتوى مبدع ومؤثر للتحفيز ونشر الوعي على اتخاذ خطوات نحو حماية كوكبنا

طيب لو أنا في تيم السوشيال ميديا ممكن أعمل ايه؟

تقدر تكتب محتوى مبدع ومؤثر وتبقى "content writer"

أو تصمم تصاميم مبهرة وتبقى"Graphic designer"

أو مثلا تنفذ فيديوهات مختلفة وتعملها مونتاج وتبقى"video editor"

طب اية مفيش voice over

أكيد في ومستنين أصحاب الأصوات المبدعة

ومننساش Moderation وإدارة صفحات السوشيال ميديا بكفاءة

طب ايه المطلوب للانضمام ؟

- لو شايف أنك بتمتلك مهارة من المهارات اللي اتكلمنا عنها.

-وكمان شخص مرن،مسئول،مبدع ومبتكر

- والأهم تكون مهتم بمجال المناخ ومطلع على أبرز ما يحدث في هذا المجال.

ويُفضل خبرة لا تقل عن عام في المجال اللي حابب تنضم له

ودلوقتي هل مستعد تحول شغفك بالسوشيال ميديا لفرصة متتنسيش؟

قدم دلوقتي عشان تكون جزء من فريقنا المبدع في لجنة السوشيال ميديا ب YLE

لجنة البحث العلمي Scientific Research

لأن البحث العلمي هو رحلة طويلة في عالم الأفكار ، بتمكنا من الاكتشاف والتحليل وبتؤدي أسئلته لإجابات مؤثرة!

انضموا إلينا في لجنة البحث العلمي في رحلة تعلم ومغامرة مع مؤسسة YLE!

مهمتنا

المساهمة في كتابة أوراق السياسات والبحوث العلمية التي تعالج قضايا تغير المناخ والبيئة

وتحليل أهم القضايا المتعلقة بهم

متطلبات اللجنة

- القدرة على كتابة أوراق سياسية حول علوم المناخ وما شابه

- القدرة على مراجعة هذه المعلومات والاعتماد على مصادر موثوقة

- امتلاك مهارات البحث والقدرة على وضع خطة لمواضيع علمية

انضموا إلينا في صياغة مستقبل مستدام! مستنينكم هنا في مؤسسة YLE

لجنة إدارة المشاريع project management

نفسك تاخد خطوة في كارير ال project management

حاجة كويسة بس السؤال ازاي هتدير مشروع من غير خبرة سابقة

مشكلة بتقف قدامك كتير، وممكن تعطلك وتحتار لحد ما تلاقي فرصة، بس ايه رأيك لو قدمنالك الفرصة دي واديناك فرصة تكون كمان مؤثر في المجتمع اللي أنت عايش فيه

في YLE فتحنا باب التطوع في منصب ال project manger للشباب، اللي على مدار السنة هيشتغلوا معانا في مشروعات شبابية متعلقة بقضايا المناخ اللي هو أحد أهداف التنمية المستدامة

وهيلاقوا المساعدة اللي هما محتاجينها عشان يسيبوا أثر ويطوروا من نفسهم ويعبروا عن إمكانياتهم..

فتطلع من عندنا مش بس بتجربة مفيدة عمليا

أنت كمان يا صديقي هتطور جدا على المستوى الشخصي